Письмо бойцов Красной Армии из Казахстана первому секретарю ЦК КП(б)К Скворцову Н.А.
#ВОВ #История #Письма #Казахстан #Фронт
Ждём в комментариях гневные комментарии, что данное письмо подделка, это написали комиссары и прочий горячечный бред. Остальным же предлагаем ознакомиться с оригинальным текстом и переводом на русский язык письма бойцов Красной Армии из Казахстана первому секретарю ЦК КП(б)К Скворцову Н.А.
Жауынгерлердің ҚазССР КП ОК хатшысы Скворцовқа* патриоттық сезім мен жауынгерлік серт туралы хаты
25 ақпан 1943 ж.*
Күн сәулетті Қазақстанға, туған жердегі ата-анамызға, аға-іні қарындастарымызға, барлық бауырларымызға батыс майдандағы жаужүрек ұлдарының ыстық сәлемін жеткізуді сұраймыз.
Біз Отан-анамызды қорғауда өмірімізді де қиюға ант еткендерміз. Біз қазақ халқының майдандағы ұлдарына арнап жазған хатын оқыдық. Бұл жазған хаттарыңыз рухымызды әлдеқайда жоғары көтеріп, жігерімізге жігер қосып, болат тәнімізге жаңадан батырлық сауытын кигізгендей болды. Елдегі жауынгер бауырларымыз соңғы тынысымыз біткенше сіздерді жүрегімізде сақтаймыз. Майдандағы біздің жеңісіміз сіздердің жанқиярлық еңбектеріңізбен нық байланысты.
Біз ұзын аққан Еділ мен Жайықтың суын кешіп, Есіл, Нұра, Ертістің бойын сайрандап, Көкшетау Қарқаралы, Шыңғыстау Алатау, Алтайдың шың басына ту тіккен батыр халықтың ұлдарымыз. Біз Сырым, Исатай, Махамбет, Есет, Бекеттердің, Қарасай, Қосайдың жау жүрек ұрпақтарымыз. Біз асқар Алатау, алтын астана Алматыны әрқашан жүрегімізде сақтаулымыз. Бір кездерде ағашты ат қылып мініп, қарағайдан қылыш мылтық жасап, көше бойын думан қылып асыр салған қаланы, кітабімді қолтығыма қысып барып мектебінде оқыған қаланы, жүрек сырын ашып жар сүйген қаланы, Ауыл мен даланы, Бөбегімді жүрегіме басып иіскеп сүйіп, бақытты күндерге күле қарап өткізген туған Қазақстанды қалай ұмытарсың. Сіздердің майдандағы бауырларыңыз үшін жауды жеңу жолында еткен қамқорлықтарыңыз бізді ерекше сүйсіндіреді. Сіздердің елдегі жауынгерлік қимылдарыңыз бізді өте сүйсіндіреді. Біз қазақтар, орыс, украин, өзбек, татар т. б. туысқан халықтардың ұлдарымен тізе қосып жауды жермен-жексен етудеміз. Күн демей, түн демей тынымсыз, неміс қарақшылардың жазасын берудеміз. Біз елде бауырларымызды ұмытпаймыз. Жамбыл ата сенің өлеңдерің жүрегімізде жазулы. Күләш сенің бұлбұлдай дауысыңды естімеп пе едік. Манарбек, Жүсіппек, Құрмамбек сендерді де ұмытпаймыз. Сендердің көркем өнер жолында көрсеткен еңбектерің көз алдымызда. Әр күні күннің шығысына көз саламыз. Шұғыласын жайып қызарып шыққан күн елдегі қарындастық сәлемін сәулесімен жеткізгендей. Бесігінде әлдилеп өсірген Қарқаралы, Көкшетау, Алатау, Арал, Балхаш, Еділ, Жайық, Іле қайтып қана ұмытарсың. Туған елдің хатын оқып.
Біз қазақ жауынгерлер «Отанды қорғау жолында қасық қанымыз қалғанша күресеміз» деп берген антымызды соңғы деміміз біткенше жүрегімізде сақтап туған елдің сенімін ақтауға тағы да сөз береміз. Біз қорықпаймыз. Жеңіс біздікі болады. Сенімдеріңіз мықты болсын.
Старшина Қазақстан радиокомитетінің бұрынғы қызметкері (Алматыдан) Асылбаев Орымбай Аға сержант, бұрын катерде капита